Equipo

Cada peza de equipo ten certo número de etiquetas. Estas dinche como o equipo afecta á personaxe que o usa (como +armadura) ou suxírenche algo sobre a forma na que é usado (como as etiquetas de alcance). Como todo o demais en Dungeon World, as etiquetas guían a ficción que estás creando no xogo. Se unha arma é torpe, pode significar que será máis probable que se che caia ao fallar unha rolada de combate corpo a corpo.

De ningún xeito isto é unha lista exhaustiva: síntete libre de crear as túas propias etiquetas.

Etiquetas xerais de equipo

Estas son etiquetas xerais que poden ser aplicadas a calquera peza de equipo. Veralas en armadura, armas, ou ferramentas xerais.

Aplicado: só é útil cando é aplicado delicadamente nunha persoa ou nalgo que vaia comer ou beber.

Torpe: é raro e complexo de usar.

+Bonificador: modifica a túa efectividade nunha situación específica. Pode ser cousas como “+1 á túa seguinte rolada de exhibir coñecemento” ou “-1 ás túas roladas de combate corpo a corpo”.

n moedas: o prezo que costaría compralo de xeito normal. Se o prezo inclúe “-Carisma”, cunha pouca de negociación podes substraer a túa puntuación de Carisma (non o modificador) do prezo.

Perigoso: é doado meterse en problemas usándoo. Se interactúas co obxecto sen as precacuións apropiadas, a DX pode invocar con liberdade as consecuencias dos teus actos imprudentes.

Ración: é comestible, máis ou menos.

Requer: só é útil para certas persoas. Se non cumpres os requerimentos, funcionará mal, se é que funciona.

Lento: requer minutos, ou máis, para ser usado.

Contacto: é usado poñéndoo en contacto coa pel do obxectivo.

Dúas mans: precisa ser usado con dúas mans para que sexa efectivo.

Peso n: conta o seu peso na túa carga. Se algo non ten peso listado é que non está deseñado para ser levado. 100 moedas de denominación estándar teñen un peso de 1. O mesmo valor en pedras preciosas ou en arte pode ser máis lixeiro ou máis pesado.

Vestido: para usalo tes que levalo posto.

n usos: só pode ser usado n veces.

Armas

As armas non matan monstros, fanno as persoas. Por iso as armas en Dungeon World non teñen un dano listado. Unha arma é útil principalmente polas súas etiquetas, as cales describen para o que é útil a arma. Unha daga non é útil porque faga máis ou menos dano que outra arma de fío, é útil porque é pequena e doada de usar a distancias curtas. Unha daga nas mans dê mague non é tan perigosa como nas mans dunhe guerreire profesional.

Etiquetas de armas

As armas poden ter etiquetas que están aí principalmente para axudarte a describilas (como oxidada ou brillante), pero as seguintes etiquetas teñen efectos mecánicos específicos.

• Munición n: conta como munición para as armas a distancia apropiadas. O número indicado non representa proxectís individuais, senón que é un número abstracto representativo da munición que che queda a man.

• Contundente: pode facer a alguén retroceder dun golpe, ou incluso facer que perda o equilibrio.

• +n dano: é particularmente máis efectiva contra ês túes inimigues. Cando fagas dano, súmalle n.

• Ignora armadura: non se lle resta a armadura ao dano provocado.

• Desaxeitada: fai fano dun xeito particularmente destrutivo, rompendo persoas e cousas no seu campiño.

• Perforante n: atravesa a armadura. Cando fagas dano con n perforación, resta n da armadura dê inimigue para os efectos dese ataque.

• Precisa: recompensa os golpes coidadosos. Usa DES para combatir corpo a corpo con esta arma, no lugar de FOR.

• Recarga: tras atacar con ela, levarache máis dun chisco preparala para outro ataque.

• Aturdinte: cando atacas con ela, fai dano aturdinte (non letal) en lugar de dano normal.

• Lanzable: lánzaa a alguén para facerlle dano. Se disparas con esta arma, non podes escoller perder munición nun 7–9; unha vez a lanzas, está perdida ata que a recuperes.

As armas tamén teñen etiquetas para indicar o rango de distancias no que son útiles. Dungeon World non impón penalizacións ou bonificacións por cousas como unha “distancia óptima”, pero se a túa arma di “man” e unhe inimigue está a 10 metros de distancia, ê xogante teríao difícil para xustificar usar esa arma contra ese obxectivo.

• Man: útil para atacar algo ao alcance da túa man, non máis lonxe.

• Curto: útil para atacar algo ao teu alcance e ata un metro máis ou así.

• Longo: útil para atacar algo que está a uns poucos metros, quizais ata tres.

• Cerca: útil para atacar un obxectivo ao cal podes ver o branco dos ollos.

• Lonxe: útil para atacar un obxectivo que está a unha distancia á cal te escoitaría berrar.

Lista de armas

Os datos da lista de abaixo son para obxectos típicos. Por suposto, existen variacións. Unha espada longa desafiada pode ter -1 dano, mentres que unha daga profesional pode ter +1 dano. Considera estes datos para os diferentes tipos de armas comúns: unha arma específica podería ter etiquetas diferentes para representar as súas características.

Armadura

As armaduras son pesadas, difíciles de levar, e condenadamente incómodas. Algunhas clases están mellor adestradas para ignorar estas desvantaxes, mais calquera pode poñerse unha armadura e desfrutar os seus beneficios.

Etiquetas de armadura

As armaduras, como as armas, teñen etiquetas. Algunhas son puramente descritivas, pero as listadas a continuación teñen efectos mecánicos na personaxe que as viste.

• Armadura n: protéxete e absorbe dano. Cando recibes dano, resta a túa armadura ao total. Se tes máis dun obxecto coa etiqueta “armadura n”, só conta o valor máis alto.

• +n armadura: protéxete e acumúlase con outras armaduras. Engade o seu valor á túa armadura total.

• Incómoda: é difícil moverse con ela posta. Resta -1 ás túas roladas mentres a esteas usando. Este penalizador é acumulable.

Lista de armaduras

Obxectos de aventura xenéricos

• Equipo de aventuras (5 usos, 20 moedas, peso 1). O equipo de aventuras é unha colección de obxectos mundanos útiles como tiza, paus, pinchos, cordas, etc. Cando procuras algún obxecto útil de entre o teu equipo de aventuras, encontras o que sexa que precisas e gastas un uso.
• Vendas (3 usos, lento, 5 moedas, peso 0). Cando tes uns minutos para vendar as feridas doutra persoa, sánaslle 4 PG e gastas un uso.
• Cataplasmos e herbas curativas (2 usos, lento, 10 moedas, peso 1). Cando tratas coidadosamente as feridas de alguén con cataplasmos e herbas, sánaslle 7 PG e gastas un uso.
• Pócema de sanación (50 moedas, peso 0). Cando bebes unha pócema de sanación enteira, sanas 10 PG ou cúraste dunha debilidade, elección túa.
• Barrica de cervexa enana (10 moedas, peso 4). Cando abres unha barrica de cervexa enana e deixas que todo o mundo beba libremente, suma +1 á túa rolada de festexar. Se bebes unha barrica enteira ti mesme, estás moi, moi borrache.
• Bolsa de libros (5 usos, 10 moedas, peso 2). Cando a túa bolsa de libros contén xustamente o libro apropiado para o tema do que estás exhibindo coñecemento, consulta o libro, gasta un uso, e suma +1 á túa rolada.
• Antitoxina (10 moedas, peso 0). Cando bebes antitoxina, cúraste dun veneno que che estea afectando.
• Racións de viaxe (ración, 5 usos, 3 moedas, peso 1). Non moi saborosas, pero tampouco están mal.
• Festín persoal (ración, 1 uso, 10 moedas, peso 1). Ostentoso como mínimo.
• Galleta enana (requer ser enane, ración, 7 usos, 3 moedas, peso 1). Es enanes din que sabe a casa. O resto do mundo di que sabe a casa, se a casa é unha granxa de porcos e se está incendiando.
• Pan élfico (ración, 7 usos, 10 moedas, peso 1). Só as maiores amizades des elfes teñen a honra de probar este raro manxar.
• Herba para pipa (6 usos, 5 moedas, peso 0). Cando compartes herba para pipa con alguén, gasta 2 usos e suma +1 á túa seguinte rolada de parlamentar con esa persoa.

Venenos

• Aceite de Tagit (perigoso, aplicado, 15 moedas, peso 0). O obxectivo cae nun sono lixeiro.
• Herba de sangue (perigoso, contacto, 12 moedas, peso 0). Ata que sexa curada, cada vez que a persoa afectada role dano, rola un d4 adicional e resta o seu resultado ao seu dano normal.
• Raíz dourada (perigoso, aplicado, 20 moedas, peso 0). O obxectivo trata á próxima criatura que vexa como se fose unhe aliade de confianza, ata que se demostre o contrario.
• Lágrimas de serpe (perigoso, toque, 10 moedas, peso 0). Calquera que faga dano ao obxectivo rola dúas veces e toma o mellor dos resultados.

Servizos

Comidas

Medios de transporte

Terras e edificios

Sobornos

Agasallos e finuras

| Cousa | Prezo | | :— | —: | | Un agasallo campesiño | 1 moeda | | Un agasallo refinado | 55 moedas | | Un agasallo nobre | 200 moedas | | Un anel ou camafeo | 75 moedas | | Roupas ou decoracións elegantes | 105 moedas | | Un tapiz elegante | 350+ moedas | | Unha coroa digna dunhe monarca | 5 000 moedas |

Tesouros

| Tesouro | Prezo | | :— | —: | | O tesouro dun goblin | 2 moedas | | As xoias dunha persoa-lagarto | 5 moedas | | Unha espada de “incalculable” valor | 80 moedas | | O tributo dunhe xefe de guerra orque | 250 moedas | | O monte de moedas e xemas dun dragón | 130 000 moedas |