Skip to main content Link Menu Expand (external link) Document Search Copy Copied
Dungeon World en galego

Ê Paladine

O inferno agarda. Unha eternidade de tormento en lume, ou xeo, ou o que sexa apropiado para os pecados da xente condenada de Dungeon World. Ti es todo o que se interpón entre esa horrenda tortura e a salvación. Unha persoa sagrada, unha máquina acorazada de guerra, unhe templarie do Ben e da Luz, certo? Ê cregue rezará de noite ás deidades que habitan nos seus ceos, ê guerreire empuñará a súa afiada espada en nome do Ben, mais ti sabes a verdade. Só ti.

Tes os ollos, mans, e golpe de graza das deidades. Teu é o agasallo da honra e da virtude; e da xustiza e da visión, tamén. Unha pureza de intencións da que carecen ês túes compañeires.

Así que guía a esties insensates, paladine. Toma a túa causa sagrada e trae salvación a este mundo baldío.

Vae victis, non é?

Nomes

Humanos: Thaddeus, Augustine, Lux, Cassius, Hadrian, Lucía, Octavia, Regulus, Valeria, Sanguinus, Titanius.

Aparencia

Escolle un de cada:

  • Mirada amable, intensa, ou brillante.
  • Helmo, cabelo estilado, ou calvicie.
  • Símbolo sagrado regastado ou elegante.
  • Corpo en forma, corpulento, ou delgado.

Características

  • Os teus PG máximos son 10+Constitución.
  • O teu dano base é d10.

Procedencia

Escolle unha procedencia:

Humane

Cando rezas en procura de guía, aínda que sexa por un momento, e preguntas “o que aquí é malvado?”, a DX diracho honestamente.

Xogadas iniciais

Comezas coas seguintes xogadas:

Imposición de mans

Cando tocas a alguén, pel a pel, e rezas polo seu benestar, rola+CAR. ✴Nun 10+, fas 1d8 de dano ou retiras unha enfermidade. ✴Nun 7–9, é curade, pero o seu dano ou enfermidade é transmitido a ti no seu lugar.

Blindade

Ignoras a etiqueta incómoda da armadura que vistas.

Eu son a Lei

Cando das unha orde a unha PNX baseándote na túa autoridade divina, rola+CAR. ✴Nun 7+, a PNX escolle unha:

  • Fai o que dixeches.
  • Retírase cautelosamente, e despois fuxe.
  • Atácate.

✴Nun 10+, tamén levas +1 á túa seguinte rolada contra a PNX. ✴Nun 7-, a PNX fai o que quere, e ti levas -1 á seguinte rolada contra a PNX.

Xesta

Cando te dedicas a unha misión a través do rezo e a limpeza ritual, declara cal é o teu obxectivo:

  • Matar a ___, unha gran plaga para estas terras.
  • Defender ___ das inxustizas que padece.
  • Descubrir a verdade de ___.

Despois, escolle ata dous beneficios:

  • Un firme sentido da dirección ata ___.
  • Invulnerabilidade contra ___ (por exemplo: armas de fío, lume, encantamentos, etc.).
  • Unha marca de autoridade divina.
  • Sentidos que atravesan as mentiras.
  • Voz que trascende os idiomas.
  • Non sufrir fame, sede, e sono.

A DX dirache que voto ou votos precisas para manter a túa bendición:

  • Honra (prohibido: tácticas e trucos cobardes).
  • Templanza (prohibido: excesos de comida e bebida e placeres carnais).
  • Piedade (requerido: cumprimento de servicios sagrados diarios).
  • Valor (prohibido: tolerar que unha criatura malvada viva).
  • Verdade (prohibido: mentir).
  • Hospitalidade (requerido: confortar aes necesitades, sen importar quen sexan).

Aliñamento

Escolle un aliñamento:

Nega ter piedade cunhe criminal ou non crente.

Bo

Ponte en perigo para protexer a alguén máis débil ca ti.

Equipo

A túa carga máxima é 12+FOR.

Comezas con racións de viaxe (5 usos, peso 1), armadura de escamas (armadura 2, peso 3), e unha marca de fe, descríbea (peso 0). Escolle a túa arma:

  • Alabarda (alcance, +1 dano, dúas mans, peso 2).
  • Espada longa (curto, +1 dano, peso 1) e escudo (+1 armadura, peso 2).

Escolle unha opción:

  • Equipo de aventuras (peso 1).
  • Racións de viaxe (peso 1) e pócema de curación (peso 0).

Vínculos

Preenche co nome dunhe compañeire polo menos un vínculo.

  • O comportamento desviado de ___ pon en perigo a súa alma!
  • ___ permaneceu en batalla comigo, é unha persoa na que podo confiar plenamente.
  • Respeto as crenzas de ___, pero espero que algún día vexa a verdade.
  • ___ ten un espírito valente, teño moito que aprender del.

Xogadas avanzadas

Cando subas a un nivel entre 2 e 5, escolle unha das seguintes xogadas.

Favor divino

Conságrate a unha deidade (nomea unha ou escolle entre as que foran establecidas). Gañas as xogadas comunión e lanzar un feitizo da clase crega. Cando escolles esta xogada, considérate unha PX crega de nivel 1 de cara a usar feitizos. Cada vez que gañes un nivel a partir dese momento, aumenta o teu nivel efectivo de crega en 1.

Éxide sanguenta

Cando recibes dano, podes apretar os dentes e aceptar o golpe. Se o fas, non sofres dano, pero sofres unha debilidade da túa elección no seu lugar. Non podes usar esta xogada se xa tes as seis debilidades.

Castigo

Mentres estás nunha xesta fas +1d4 de dano.

Exterminatus

Cando dis en voz alta a túa promesa de derrotar a unhe inimigue, fas +2d4 de dano contra ese inimigue e -4 de dano contra calquera outra persoa. Este efecto dura ata que ê inimigue sexa derrotade. Se non consegues derrotale ou abandonas a loita, podes admitir o teu fracaso, mais o efecto continuará ata que atopes un xeito de redimirte.

Cargade!

Cando lideras a carga en combate, aqueles a quen lideras levan +1 á súa seguinte rolada.

Defensa firme

Cando defendes, sempre recibes +1 reserva, incluso nun 6-.

Ataque organizado

Cando combates a melé, escolle unhe aliade. O seu próximo ataque contra o teu obxectivo fai +1d4 de dano.

Protección sagrada

Mentres estás nunha xesta recibes +1 armadura.

Voz da autoridade

Sumas +1 ao comandar mercenaries.

Hospitalidade

Cando sanas a unhe aliade, sanas +1d8 PG.

Cando subas a un nivel entre 6 e 10, escolle unha das seguintes xogadas ou das anteriores.

Evidencia de fe

Requer: Favor divino

Cando observas maxia divina en acción, podes preguntar á DX cal deidade concedeu o feitizo e cales son os seus efectos. Suma +1 cando actúes sobre as respostas.

Castigo sagrado

Reempraza a: Castigo

Mentres estás nunha xesta fas +1d8 de dano.

Sempre adiante

Reempraza a: Cargade!

Cando lideras a carga en combate, aqueles a quen lideras levan +1 á súa seguinte rolada e +2 armadura a seguinte vez que a usen.

Defensa impenetrable

Reempraza a: Defensa firme

Cando defendes, sempre recibes +1 reserva, incluso nun 6-. Nun 12+, en lugar de recibir puntos de reserva, a criatura atacante máis cercana é bloqueada, dándoche unha clara vantaxe que a DX describirá.

Ataque conxunto

Reempraza a: Ataque organizado

Cando combates a melé, escolle unhe aliade. O seu próximo ataque contra o teu obxectivo fai +1d4 de dano, e suma +1 á sua seguinte rolada contra el.

Protección divina

Reempraza a: Protección sagrada

Mentres estás nunha xesta recibes +2 armadura.

Autoridade divina

Reempraza a: Voz da autoridade

Sumas +1 ao comandar mercenaries. Cando rolas 12+, ê mercenarie supera os seus medos e dúbidas e leva a cabo a túa orde con especial efectividade ou eficiencia.

Hospitalidade perfecta

Reempraza a: Hospitalidade

Cando sanas a unhe aliade, sanas +2d8 PG.

Indomable

Cando sofres unha debilidade (incluso mediante Éxide sanguenta), suma +1 á tua seguinte rolada contra o que sexa que a causase.

Cabaleire perfecte

Cando emprendes unha xesta, escolle tres beneficios en lugar de dous.