Ê Barde

Os poemas din que a vida de aventureire é todo camiños abertos, gloria en batalla, e riquezas. Os contos que se escoitan nas pousadas deben ter algo de verdade, non? As cancións que inspiran tanto ao campesinado como á nobreza —xa sexa para calmar bestas salvaxes ou para facer entolecer ás persoas— teñen que vir dalgunha parte.

Eis ê barde. Ti, coa túa lingua lisonxeira e o teu rápido inxenio. Ti, contacontos e cantante. Calquera xograr pode recontar algo, pero unhe verdadeire barde pode darlle vida. Axusta as túas botas, nobre oradore. Afía esa daga oculta e responde á chamada. Alguén ten que estar aí, loitando xunto a eses matóns e potenciais heroes. Quen mellor ca ti para escribir a historia do teu propio heroísmo?

Ninguén. Ponte en marcha.

Nomes

Élficos: Astrafel, Daelwyn, Feliana, Damarra, Sistranalle, Pendrell, Melliandre, Dagoliir.

Humanos: Baldric, Leena, Dunwick, Willem, Edwyn, Florian, Seraphine, Quorra, Charlotte, Lily, Ramonde, Cassandra.

Aparencia

Escolle un de cada:

Mirada sabia, apaixoada, ou alegre.
Cabelo estilado, rebelde, ou chapeu de moda.
Vestimenta elegante, de viaxe, ou pobre.
Corpo en forma, ben alimentado, ou delgado.

Características

Os teus PG máximos son 6+Constitución.
O teu dano base é d6.

Procedencia

Escolle unha procedencia:

Elfe

Cando chegas a un lugar importante (decisión túa), podes pedir á DX un feito da historia dese lugar.

Humane

Cando entras por primeira vez nun asentamento civilizado, alguén que respeta a costume da hospitalidade aes xograres acollerate baixo a súa invitación.

Xogadas iniciais

Comezas coas seguintes xogadas:

Artes arcanas

Cando conxuras un feitizo básico a través dunha actuación, escolle unhe aliade e un efecto:

Sana 1d8 PG.
Obtén +1d4 na seguinte tirada de dano.
A súa mente é liberada dun encantamento.
A próxima vez que o obxectivo sexa axudade exitosamente, suma +2 en lugar de +1.

Despois, rola+CAR. ✴Nun 10+, ê aliade recibe o efecto escollido. ✴Nun 7–9, o feitizo funciona, pero atraes atención non desexada ou a túa maxia resona noutros obxectivos, afectándoos tamén (decisión da DX).

Coñecemento bárdico

Escolle unha área de coñecemento:

Feitizos e maxias.
A morte e a non morte.
Grandes historias do mundo coñecido.
Bestiario de inusuais criaturas.
As esferas planares.
Lendas de antigues heroes.
Deidades e ês súes serventes.

Cando te atopas por primeira vez cunha criatura, lugar, ou obxecto importante (decisión túa) que entre dentro dos teus coñecementos, podes facerlle á DX unha pregunta ao respecto; a DX responderá sinceiramente. A DX pode preguntarte a continuación de que conto, canción, ou lenda obtiveches esa información.

Encanto e franqueza

Cando falas francamente con alguén, podes facerlle ae súe xogante unha pregunta da seguinte lista, á cal debe responderte sinceiramente. Despois, ele pode facer o mesmo contigo.

A quen serves?
Que che gustaría que eu fixese?
Como podo facer que ti __?
Que estás sentindo realmente agora mesmo?
Que é o que máis desexas?

Un porto na tormenta

Cando voltas a un asentamento civilizado que xa visitaches anteriormente, dille á DX cando foi a última vez que estiveches aí. A DX contarache como cambiou o lugar dende entón.

Aliñamento

Escolle un aliñamento:

Bo

Axuda a alguén coa túa arte.

Neutral

Evita un conflito ou desescala unha situación tensa.

Caótico

Incita a outros a actuar decisivamente de forma significante e non planexada.

Equipo

A túa carga máxima é 9+FOR.

Comezas con racións de viaxe (5 usos, peso 1). Escolle un instrumento (todos teñen peso 0 para ti):

A mandolina do teu pai, restaurada.
Un refinado laúde, agasallo dunhe nobre.
A gaita coa que cortexaches ao teu primeiro amor.
Un corno roubado.
Un violín sen estrear.
Un cancioneiro escrito nunha lingua esquecida.

Escolle a túa vestimenta:

Armadura de coiro (armadura 1, peso 1).
Roupas ostentosas (peso 0).

Escolle a túa arma:

Espada roupeira (curto, precisa, peso 2).
Arco desgastado (cerca, peso 2), feixe de frechas (munición 3, peso 1), e espada curta (curto, peso 1).

Escolle unha opción:

Equipo de aventuras (peso 1).
Vendas (peso 0).
Herba para pipa (peso 0).
3 moedas.

Vínculos

Preenche co nome dunhe compañeire polo menos un vínculo.

Esta non é a miña primeira aventura con _______.
Cantei historias sobre _______ moito antes de coñecele en persoa.
_______ é a miúdo o obxectivo das miñas bromas.
Estou escribindo unha balada sobre as aventuras de _______.
_______ confioume un segredo.
_______ non confía en min, e por bos motivos.

Xogadas avanzadas

Cando subas a un nivel entre 2 e 5, escolle unha das seguintes xogadas.

Canción sanadora

Cando sanas coas túas artes arcanas, sanas +1d8 PG.

Cacofonía perversa

Cando otorgas unha bonificación de dano coas túas artes arcanas, otorgas +1d4 de dano adicional.

Chega ata o 11

Cando desatas unha actuación entolecedora (quizais un perfecto solo de laúde ou un poderoso estoupido de corno), escolle un obxectivo que poida escoitarte e rola+CAR. ✴Nun 10+, o obxectivo ataca ae súe aliade máis próxime dentro do seu alcance. ✴Nun 7–9, ataca ae súa aliade máis próxime, pero tamén chamas a súa atención e a súa ira.

Metal ouveante

Cando gritas con gran forza ou tocas unha nota desgarradora, escolle un obxectivo e rola+CON. ✴Nun 10+, o obxectivo recibe 1d10 de dano e é ensordecide durante uns minutos. ✴Nun 7–9, tamén fas ese dano, pero de forma descontrolada: a DX escolle un obxectivo cercano adicional.

Unha pouca de axuda das miñas amizades

Cando axudas exitosamente a alguén, suma tamén +1 á túa seguinte rolada.

Tons sobrenaturais

As túas artes arcanas son poderosas, permitíndoche escoller dous efectos en lugar de só un.

Defensa de duelista

Cando combates corpo a corpo, sumas +1 armadura na túa seguinte rolada.

Enganar

Cando parlamentas con alguén, nun 7+ tamén sumas +1 á túa seguinte rolada con esa persoa.

Diletante multiclase

Recibes unha xogada doutra clase. Trátate como se foses un nivel máis baixo á hora de escoller a xogada.

Iniciación multiclase

Requer: Diletante multiclase

Recibes unha xogada doutra clase. Trátate como se foses un nivel máis baixo á hora de escoller a xogada.

Cando subas a un nivel entre 6 e 10, escolle unha das seguintes xogadas ou das anteriores.

Retrouso sanador

Reempraza a: Canción sanadora

Cando sanas coas túas artes arcanas, sanas +2d8 PG.

Estoupido perverso

Reempraza a: Cacofonía perversa

Cando otorgas unha bonificación de dano coas túas artes arcanas, otorgas +2d4 de dano adicional.

Rostro inesquecible

Cando te atopas con alguén que xa coñeces (decisión túa) despois de pasar un tempo sen vervos, sumas +1 á túa seguinte rolada con ou contra esa persoa.

Reputación

Cando coñeces por primeira vez a alguén que escoitou cancións sobre ti, rola+CAR. ✴Nun 10+, cóntalle á DX dúas cousas que esa persoa escoitou de ti. ✴Nun 7–9, cóntalle só unha cousa, e a DX contarache outra.

Acorde sobrenatural

Reempraza a: Tons sobrenaturais

Cando usas as túas artes arcanas, escolles dous efectos e tamén podes duplicar a intensidade dun deses efectos.

Bo oído para a maxia

Cando escoitas a unhe inimigue lanzar un feitizo, a DX dirache o nome do feitizo e os seus efectos. Suma +1 á túa seguinte rolada na que actúes conforme a esa información.

Retorcide

Cando usas o teu encanto e franqueza, tamén podes preguntar “En que sentido es vulnerable para min?”. O obxectivo non pode preguntarche a ti o mesmo.

Bloqueo de duelista

Reempraza a: Defensa de duelista

Cando combates corpo a corpo, sumas +2 armadura na túa seguinte rolada.

Timar

Reempraza a: Enganar

Cando parlamentas con alguén, nun 7+ tamén sumas +1 á túa seguinte rolada con esa persoa e, ademais, podes facerlle unha pregunta ae súe xogante, a cal debe responder sinceiramente.

Mestría multiclase

Requer: Iniciación multiclase

Recibes unha xogada doutra clase. Trátate como se foses un nivel máis baixo á hora de escoller a xogada.